Die afsterwe van Isak Isaacs, beter bekend as oom Sakkie het skokgolwe deur die gemeenskap van Namakwa gestuur. Hy was ten tye van sy sterfte Tesourier by die Namakwa Sportraad. Woensdagaand het daar ‘n gedenkdiens plaasgevind wat hulde gebring het aan sy kalm, gerustellende karakter wat altyd gereed was om sport te ontwikkel en bevorder. “‘n Kalm rustige diens, bypassend by sy menswees, wat hom geloof het vir sy onbaatsugtige bydrae tot goeie finansïele bestuur en manier om besteding tot voordeel van die federasies. Oom Sakkie se vernuf met befondsing het bygedra dat Namakwa Sportraad die beste in die hele Noord Kaap is” het Bertie Saal van die departement Sport Kuns en Kultuur gesê.