Uceba wale ndawo uJoshua Losper e-Okiep uzikhabile izityholo ezijikeleza kumaqonga onxibelelwano. Kutyholwa ngelithi lo ceba uthethe nonomathotholo wasekuhlaleni ebutsheni balo nyaka esithi indawo yokuqubha yasekuhlaleni iza kulungiswa ekupheleni kwale nyanga.Ngokutsho kukaLosper, abantu abenza isityholo - bazitolike ngendlela engeyiyo ingxelo eyenziwe ngaphambili: wathi umcimbi malunga nedama lokuqubha ngumnqweno njengoko ngoku baxakeke bezama ukufumana abatyali-mali ukuze bakwazi ukuyivuselela njengoko ukulungisa idama lokuqhuba lingaxabisa kwisiqikela lwezigidi ezilishumi elinesihlanu zeerandi.ULosper ubalule ukuba ngoku baxakeke ziiprojekthi zeSicwangciso esiHlangeneyo soPhuhliso sonyaka-mali 2023/24 ezizezokwakha izindlu ezingamashumi amathathu ananye, ukulungisa uphahla lwesikolo samabanga aphantsi - nokuqukunjelwa kwendlela yaseVaalhoek.