ISebe lezaManzi noGutyulo likhuphe iiNgxelo zalo 2023 zeBlue Drop kunye neNo Drop. UMntla Koloni ucazwe ngelona phonda linepesenti iphezulu yeenkqubo zamanzi okusela ezinomgangatho ophantsi. Umasipala wengingqi yaseKhai-Ma uthe wasilela ukunika nawaphi na amaxwebhu obungqina bomgangatho wamanzi anikezelwa eluntwini. Isebe likhankanye ukuba akukho vavanyo lomgangatho wamanzi lwenziweyo.Uluntu lwasePofadder kufuneke luzilungiselele kwiziphakamiso zokubilisa amanzi kunye nokuwapholisa iiyure ezimbini phambi kokuba asetyenziswe. Isizathu, ngokutsho kukamasipala - umbala wamanzi ubumdaka ukrokreleka ukuba uqulethe iintsholongwane ezingaziwayo. Umasipala usaphanda kwaye ukhangelana nesisombululo sokucoca amanzi.