Ses verdagtes sal binnekort in die Hartswater-landdroshof in Noord-Kaap verskyn op aanklag van handel in dwelms. Die verdagtes is Dinsdag in hegtenis geneem vir die besit van dwelms en gesteelde selfone. Die polisie het inligting ontvang en die beweerde verkoop van dwelms by drie persele in Hartswater opgevolg. ‘n Polisiewoordvoerder, sersant Molefi Shemane, sê die polisie het beslag gelê op gekristalliseerde Metamfetamien, mandrax-tablette, kat sowel as sakkies nyaope. Shemane sê die polisie het beslag gelê op nege selfone, drie selfoonlaaiers en geld wat vermoedelik die opbrengs van dwelmverkope is.