Die Richtersveld plaaslike munisipaliteit het in 'n amptelike kennisgewing bevestig dat Alexkor vandag 'n pypomskakeling in Alexanderbaai gaan doen. Die operasie kan meebring dat daar vir sowat twee dae geen invloei van water in Muisvlak dam gaan wees nie. Die omskakeling is 'n poging om die toevoer vanaf Alexanderbaai te verhoog sodat water meer volhoubaar na die Muisvlak opgaardam gepomp kan word. Die munisipaliteit se spanne sal alles in hul vermoë doen om die herstelwerke so gou as moontlik af te handel. Verbruikers word versoek om asseblief water op te gaar en spaarsamig te gebruik vir die duur van die onderbreking.