Die De Aar-streekhof in die Noord-Kaap het gister ’n 38-jarige man tot vyf jaar tronkstraf gevonnis vir kuberbedrog. Elrico Kasper het op sosiale media geplaas dat sommige mense beplan om president Cyril Ramaphosa tydens sy besoek aan De Aar vir die Menseregtedagviering verlede jaar te vermoor. Kasper het erken hy het die plasing geskep uit frustrasie met sy werkloosheid. Hy het tot en met sy vonnisoplegging talle hofverskynings gemaak. Die Valke sê hulle hoop dié vonnis skrik ander oortreders van kubermisdade af en maak mense bewus daarvan dat die verspreiding van vals inligting tot vervolging sal lei.