INEHAWU, iDenosa, kunye noCosatu namhlanje babambe umngcelele osingise kwiiofisi zeSebe lezeMpilo kuMntla Koloni ukuqaqambisa imeko embi yeenkonzo zempilo kwiPhondo.Unobhala weNehawu ephondweni uMoleme Moleme uthe ngaphaya kwewaka amalungu aphuma kwizithili ezihlanu zeli Phondo athe angenelela kwesi siganeko. Ngamazwi ahlangeneyo le manyano yahlaba ikhwelo lokuba ibambela lentloko yesebe (HOD) uMxolisi Mlatha, ehle esihlalweni. uMoleme uvakalise ukuba bafuna ugqirha onemvelaphi yobugqirha ukuba asebenze njengeNtloko yeSebe. Wongeze ngelithi baphatheke kakubi ngenxa yemeko enkenenkene yeziseko ezingundoqo neenkonzo zempilo kumaziko ezempilo.