Umbutho iAutomobile Association (AA) ubongoza abaqhubi beemoto ukuba baqinisekise ukuba izithuthi zabo zikwimeko entle ukuze baphephe ukubhatala imali eninzi xa besebenzisa amafutha.Oku kuza njengoko kulindeleke ukwehla kwamafutha okungephi kulenyanga. Umbutho uye waphawula ngedatha engaphicothwanga evela kwiCentral Energy Fund.Ngokweenkcukacha, amashumi alithoba anesihlanu epetroli enganalothe kulindeleke ukuba yehle malunga neshumi elinesine leesenti ilitha, ze amashumi alithoba anesithathu aphume malunga neesenti ezilithoba ilitha.Kusenjalo, idizili kulindeleke ukuba yehle malunga namashumi amabini anesithandathu eesenti ilitha. Isithethi se-AA uLayton Beard uthe amafutha ahlala eyinxalenye yohlahlo lwabiwo-mali lwenyanga lwabemi boMzantsi Afrika.