Okiep Hoërskool het die nuwe skooljaar op ’n positiewe noot afgeskop met ’n uitstekende bywoning tydens die eerste ouervergadering van die jaar. Die sterk opkoms dien as ’n duidelike aanduiding dat ouers en voogde steeds ’n aktiewe rol wil speel in hul kinders se opvoeding en toekoms.

Volgens die skool se bestuur is ouerbetrokkenheid ’n kernpilaar vir leerder-sukses. Tydens die vergadering is daar nie net geluister nie, maar ook vrae gevra, insette gelewer en konstruktiewe gesprekke gevoer – ’n bewys van gesonde samewerking tussen die skool en ouergemeenskap.