’n Gesamentlike uitreikaksie deur A.J. Bekeur Biblioteek, Departement van Maatskaplike Ontwikkeling, RISIHA en Naledi Youth Centre het leerders in Port Nolloth bereik. Graad R tot 5-leerders van R.K. Intermediêre Skool en Laerskool Port Nolloth het deelgeneem aan leesaktiwiteite en opvoeding oor biblioteekdienste. Die program het leerders aangemoedig om boeke te gebruik en lidmaatskap uit te neem, en sodoende ’n kultuur van lees en leer te bevorder.