SA Van Wyk Hoërskool het hul dank uitgespreek na ’n suksesvolle onderwysreis saam met die Universiteit van die Wes-Kaap.
Mnr. Rushphiano Cloete het ’n groep leerders Kaapstad toe geneem om hulle aan universiteitslewe bloot te stel en hulle te inspireer om verder te studeer. Hulle het loopbaanadvies ontvang, ’n universiteitsrugbywedstryd bygewoon en onder andere Leeukop, Campsbaai en Century City verken.
Die skool sê die reis was opvoedkundig én genietbaar en het leerders gehelp om grooter drome te koester.