Die Nama Khoi Plaaslike Munisipaliteit het bevestig dat dringende waterbeperkings steeds van krag is nadat skade aan elektrisiteitsinfrastruktuur by die Henkries-watersuiweringsaanleg die watertoevoer ernstig ontwrig het.

Volgens die munisipaliteit het swak weerstoestande en sterk wind tot ’n kragonderbreking by die aanleg gelei, wat veroorsaak dat geen water tans vanaf Henkries gepomp kan word nie. Reservoirvlakke in geaffekteerde gebiede daal glo vinnig.

Water word daarom saans vanaf 22:00 afgesluit en soggens om 06:00 herstel. Inwoners word versoek om water spaarsamig en slegs vir noodsaaklike huishoudelike gebruike aan te wend totdat die situasie herstel is.