Hoërskool Concordia se matriekleerders het gister deelgeneem aan ’n interaktiewe ondersteuningsessie aangebied deur Monique Lesch van Xhaus Development, haar span en afgevaardigdes van die Kangnas Windplaas. Die sessie het gefokus op tersiêre aansoeke, besluitneming en uitdagings waarmee jongmense ná skool te doen kry. Leerders het ook aan praktiese scenario-aktiwiteite deelgeneem. Die skool het sy dank uitgespreek teenoor Xhaus Development vir hul voortgesette psigo-sosiale ondersteuning en betrokkenheid by die bemagtiging en voorbereiding van leerders vir die toekoms.