Die Noord-Kaapse polisie het inwoners gewaarsku teen ongemagtigde identiteitsdokument-inspeksies wat deur individue in Kimberley uitgevoer word. Provinsiale polisiewoordvoerder Thabo Litabe sê slegs gemagtigde wetstoepassers mag identiteitsdokumente inspekteer. Hy beklemtoon dat burgers nie deur ongemagtigde persone geïntimideer of geteister moet word nie. Litabe waarsku verder dat enigiemand wat mense intimideer of teister omdat hulle vermoedelik nie oor identiteitsdokumente of ander wettige dokumentasie beskik nie, hulself aan kriminele vervolging kan blootstel.