Hoërskool Concordia-leerders het hierdie week uitstekend gevaar by die Namakwaland Kultuurfees 2026. Die skool was in verskeie afdelings, waaronder Woord en Vers, Klavierspel, Sang en Musiek, asook Dans, verteenwoordig. Onder leiding van juf. Gall het leerders hul talente met trots ten toon gestel. Kultuur bied jongmense geleenthede om hulself uit te druk, selfvertroue te bou en kreatiwiteit te ontwikkel. Baie geluk aan alle deelnemers en dank aan ouers, personeel en ondersteuners vir hul waardevolle bydrae.