Kringbestuurder van Kring 2, mnr. Klein, wat vyf van die distrik se grootste hoërskole ondersteun en bestuur, het Hoërskool S.A. Van Wyk besoek. Hy het die Graad 12-leerders gemotiveer en bemoedig ná die suksesvolle afhandeling van hul Lewensoriëntering-NSS-vraestel. Die skool het sy waardering uitgespreek vir die ondersteuning en motivering. Leerders is aangemoedig om gefokus te bly, moed te hou en volhardend voort te gaan met hul voorbereiding vir die komende eksamens.