Amapolisa aseKleinsee aphanda ngokusweleka komfana oneminyaka engamashumi amathathu anesihlanu ubudala ongummi wangaphandle. Lt. col. USergio Kock ubalule ukuba esi sehlo senzeke ngentsasa yayizolo, kufutshane naseKleinsee. Kutyholwa ukuba itonela lomgodi apho abembi-mgodini abangekho mthethweni bebegrumba idayimani iye yawela phezu kwendoda yaza yabhubha. Nabani na onolwazi angatsalela uWarrant officer uJohn Vorster ku-0795293935. Uphando lwamapolisa lusaqhubeka.