Die Noord-Kaapse polisie versoek die publiek om versigtig te wees vir kommersiële misdade soos uitvissing en finansiële swendelary. Die polisie het afgeraai om te belê of geld te gee aan mense wat beweer hulle kan beleggings verdriedubbel, aangesien dit gewoonlik ‘n bedrogspul is. Hulle raai ook af om bank- en wagwoordbesonderhede met ander te deel. Individue word versoek om aanlynbanktransaksies op veilige verbindings te doen en publieke verbindings te vermy. ‘n Polisiewoordvoerder, luitenant-kolonel Sergio Kock, sê mense moet versigtig wees wanneer hulle aanlyn inkopies doen.