Gift of the Givers, Namakwa Distriksmunisipaliteit, Departement van Sport, Kuns en Kultuur het gister Rooifontein, Kammasies, Nourivier, Tweerivier en Spoegrivier besoek en het aan elke huishouding 10 liter water en 'n kospakkie oorhandig. Die nederige gemeenskappe het vir die rolspelers gebid, veral vir die ondersteuning wat ontvang is. Alle Vroeë Kinderontwikkelingsentrums in die 5 dorpe het aparte voedselhulp en water ontvang.  'n Totale afstand van ongeveer 500 kilometer grondpad is afgelê om te verseker dat daar aan behoeftige huishoudings voorsien word.