Die voormalige LUR van Vervoer, Paaie en Openbare Werke in die Noord-Kaap, John Block, het gister in die Kimberley-distrikshof verskyn waar hy amptelik om borgtog aansoek gedoen het. Block is in 2015 tot 15 jaar tronkstraf gevonnis vir bedrog, korrupsie en geldwassery. Die 55-jarige het in sy hoedanigheid as politieke hoof in 2003 op ʼn bedrieglike wyse ‘n tender van 51 miljoen rand vir ‘n hospitaalbouprojek aan Babereki Consulting Engineers toegeken. Die hof het borgtog van 50 duisend rand aan hom toegestaan, maar hy is in aanhouding aangesien hy tans sy tronkstraf by die Upington Korrektiewe Dienste uitdien. Die woordvoerder van die Nasionale Vervolgingsgesag, Mojalefa Senokoatsane, sê Block sal na verwagting weer op 10 Augustus virtueel in dieselfde hof verskyn.