Die Suid-Afrikaanse Polisiedienste is op soek na burgers wat ‘n loopbaan as intreepolisieleerlinge vir die Polisie-ontwikkelingsprogram wil volg. Die 2024/25-veldtog het ten doel om tienduisend jongmense tussen die ouderdomme 18 tot 35 te werf en wat opgelei sal word om die land te beskerm en te dien. As die manne en vroue in blou, is daar meer as 200 loopbaanpaaie in sigbare polisiëring, misdaadondersoeke en ondersteuningsomgewings. Die Noord-Kaapse polisiewoordvoerder, luitenant-kolonel Sergio Kock, sê die ouderdomswerwing vir nuwe leerlinge is verhoog. Die vereistes is op die polisiewebwerwe en sosiale media-blaaie beskikbaar.