Die hoë misdaadstatistieke in die Noord-Kaap wek kommer. Dis volgens die DA se Ofentse Mokae. Volgens die jongste syfers het moorde, pogings tot moord en ontvoerings drasties toegeneem. Mokae sê polisiestasies met gebrekkige hulpbronne in die provinsie het ook gelei tot ‘n styging in misdaad. Hy sê die party wil hê die regerende party in die provinsie moet polisiehulpbronne verbeter om die lewens van sy inwoners, veral vroue en kinders, te beskerm.