Die Noord-Kaapse Departement van Gesondheid se Direktoraat Menslike Hulpbronne het Dinsdag die Robert Mangaliso Sobukwe-hospitaal besoek om glimlagte op die kinders te plaas ter viering van Be An Angel-dag. Die direktoraat het hierdie geleentheid gevier deur die gehospitaliseerde kinders te besoek en vrugte te bring as ‘n blyk van waardering. Be an Angel-dag is ‘n dag wat goeie optrede en vriendelikheid aanmoedig om erkenning te gee aan diegene wat soos engele vir ander was.