Op Maandag, 4 September 2023, het die Openbare Orde Polisie (POP) tydens die uitvoering van operasie "Vhuthu Hawe"-aksies, inligting ontvang oor 'n verdagte wat in transito met vetplante vanaf Pofadder was. Die inligting is geoperasionaliseer en 'n bus is met aankoms by 'n motorhuis op Springbok deursoek en bedreigde vetplante ter waarde van meer as R33 000 is gevind. “Die polisie het 'n 23-jarige manlike verdagte aangekeer, en aangekla vir die besit van bedreigde spesies/plante kragtens die Wet op Nasionale Omgewingsbestuur Biodiversiteit (NEMBA), 10 van 2004 en sal binnekort in die Springbok-landdroshof verskyn,” het polisiewoordvoerder Sersant Timothy Sam gesê.