IManyano yamaPolisa oMzantsi Afrika eMntla Koloni ixhalabile ngenxa yeziganeko zokuphangwa kwamashishini kwiPhondo liphela kwezi nyanga zimbalwa zidlulileyo.Isithethi seSapu ephondweni uSabata Ephraim Tshabedi uphawule ukwanda okuphawulekayo kokuphangwa kwamashishini eKimberley naseKuruman apho izaphuli mthetho bezijolise kumashishini.UTshabedi ubongoze uMphathiswa wezoThutho, uKhuseleko noNxibelelwano, uNomandla Bloem, kunye neNkulumbuso, uGqirha Zamani Saul, badize ukuba baza kutyumba amagosa othintelo lolwaphulo-mthetho ukuze asebenze ngentsebenziswano namapolisa, iiforam zamapolisa oluntu kunye neefemu zokhuseleko zabucala ukuqinisekisa ukhuseleko. yabemi.