Operasie Shanela in die Noord-Kaap gaan voort om misdaad in die provinsie te stabiliseer. Dit volg op ‘n suksesvolle operasie van Donderdag tot gister met ‘n skerp fokus op die vermindering van kontak- en geweldsmisdade in brandpuntgebiede. Talle polisie-aktiwiteite is tydens die operasie uitgevoer. Talle padblokkades langs die N1 in die Pixley Ka Seme-distrik en die N7 en N14 in Namakwa is gehou met spesiale fokus op oorgrens deurgangsmisdade wat die fokus op onwettige of ongedokumenteerde immigrante en die handel in nie-ysterhoudende metale insluit. 18 ongedokumenteerde persone en 'n plaaseienaar is by 'n plaas in Loxton gearresteer en die plaaseienaar is op die been gebring omdat hy onwettige immigrante gehuisves het.  ‘ n Polisiewoordvoerder, sersant Timothy Sam, sê in een voorval het die polisie in die John Taola Gaetsewe-distrik beslag gelê op onwettige sigarette van ‘n buitelander ter waarde van een miljoen rand.