Die Valke in die Noord-Kaap het gister ‘n 33-jarige verdagte in hegtenis geneem op aantygings van die handel in onwettige dwelms. Die span het inligting ontvang oor dwelms wat by Diamond Park in Kimberley gestoor word en het dadelik ’n deursoekingslasbrief bekom. Tydens die soektog het die span daarin geslaag om beslag te lê op mandrax-tablette, crystal meth en ‘n onbekende bedrag geld. Die polisiewoordvoerder, adjudant offisier Mnisi Nomthandazo, sê die verdagte sal na verwagting later vandag in die Kimberley-landdroshof verskyn.