Die Richmond-distrikshof in die Noord-Kaap het gister die moordbeskuldigde, Franklin Mias, se borgtog geweier. Die 48-jarige staan tereg op aanklagte van moord op sy meisie, Geraldine Frazenberg, verlede maand. Die Nasionale Vervolgingsgesag se streekwoordvoerder, Mojalefa Senokoatsane, sê die hof het die saak tot 16 Januarie uitgestel. Hy sal in polisie-aanhouding bly.