Die Springbok-polisie het drie mans in hegtenis geneem in verband met 'n rooftog wat gister sowat twintig kilometer buite Springbok op die N7-hoofweg plaasgevind het. Polisiewoordwoerder Brigadier Mashay Gamieldien het gesê dat daar beweer word dat die vragmotorbestuurder en twee werkers voor die voorval geld by plaaslike winkels in die area gaan haal het. Terwyl hulle op die N7 gery het, is die vragmotor deur drie mans met swart baadjies voorgekeer. Die bestuurder het daarin geslaag om sy werkgewer te waarsku wat die polisie in kennis gestel het. Die verdagtes is deur ao Pieter Mpasa in hegtenis geneem. Die drie verdagtes sal binnekort in die Springbok-landdroshof verskyn op aanklagte van roof en die onwettige besit van vuurwapens en ammunisie.