Die Batebeslagleggingseenheid in die Noord-Kaap het ‘n bevel vir die behoud van eiendom teen die hoof- finansiële beampte van die Departement van Openbare Werke, Bradley Slingers, toegestaan. Dit is nadat die polisie meer as 650 duisend rand in Slingers se voertuig gevind het tydens ‘n padblokkade in November verlede jaar. Die polisie het op die kontant beslag gelê nadat Slingers geen bewys of ‘n redelike verduideliking vir die kontant in sy besit kon verskaf nie. ‘n Woordvoerder van die Nasionale Vervolgingsgesag, Mojalefa Senokoatsane, sê die eenheid glo die kontant is opbrengs van onwettige aktiwiteite en geldwassery.