Hoëdigtheid-operasies onder die vaandel van Operasie Shanela is die afgelope week in al vyf distrikte uitgevoer om trio-misdade, kontakmisdade, dwelm- en alkoholverwante misdrywe en eiendomsverwante misdade aan te spreek. Die multi-dissiplinêre operasies het 297 misdadigers opgespoor, waarvan 136 gesoekte verdagtes is wat deur speurders in hegtenis geneem is tydens opsporingsoperasies. Verdagtes is gearresteer vir die pleging van ernstige misdade, insluitend roof met verswarende omstandighede, poging tot moord, verkragting, geslagsgebaseerde geweld en roof.  “Hoësigbaarheidspatrollies is in landelike gebiede uitgevoer waar verskeie plase en myne besoek is. Die optrede het gelei tot die konfiskering van 'n aansienlike hoeveelheid drank, dwelms en gevaarlike wapens,” het polisiewoordvoerder kolonel Cherelle Ehlers gesê.