Die Springbok-streekhof het onlangs 10 jaar tronkstraf opgelê aan die 33-jarige Franco Swartz ná die verkragting van 'n 30-jarige vroulike slagoffer in Skietbank, Okiep, op Maandag, 08 Maart 2023. Die hof het gehoor dat die beskuldigde op diè dag die slagoffer aangerand en verkrag het. ‘n Noord- Kaapse polisiewoordvoerder, Sersant Timothy Sam het bevestig dat die hof 'n 10 jaar direkte tronkstraf opgelê vir verkragting, 2 jaar vir geslagsgebaseerde geweld en 6 maande vir gewone aanranding. “Alle vonnisse sal samelopend uitgedien word en die beskuldigde is onbevoeg verklaar om 'n vuurwapen te besit en sy naam sal in die Nasionale Seksoortredersregister aangeteken word,” het Sersant Sam gesê.