Die Valke en Batebeslagleggingseenheid het Woensdag, 'n bewaringsbevel van 'n voertuig ter waarde van R80 000 teen die 40 jarige Kagiso Moiloa deur die Warranton-landdroshof verkry. Dit volg op die arrestasie van Moiloa in April 2023. Inligting is ontvang oor drie persone wat van Johannesburg na Kimberley met 'n besending dwelms gereis het. Die voertuig is op die N12-pad naby Warrenton opgemerk. “Die toneel is deur Hartswater Plaaslike Kriminele Rekordsentrum verwerk, waarop die sak en die voertuig deeglik deursoek is. Tydens die soektog is 4 000 mandrax-tablette met 'n geraamde straatwaarde van R240 000-00 in die sak gevind. Daar is ook op drie selfone en ’n VW Golf GTI beslag gelê. Beslagleggingsbevel is vir die genoemde voertuig verkry,” het Valke woordvoerder Adjudant-offisier Nomthandazo Mnisi gesê.