Die Kuruman-streekhof in die Noord-Kaap het ‘n 32-jarige man tot 28 jaar tronkstraf gevonnis vir gewapende roof. Keorapetse Kgaje en drie ander mans het hulle as klante voorgedoen en in Februarie 2022 ’n plaaslike winkeleienaar genader. Kgaje het ‘n vuurwapen op die winkeleienaar gerig en hom van geld, selfone en sigarette beroof. ‘n Polisiewoordvoerder, sersant Merapelo Pilane, sê die polisie het Kgaje in hegtenis geneem, maar die drie oorblywende verdagtes het met die gesteelde geld en goedere van die toneel gevlug.