Twee verdagtes sal binnekort in die Kuruman-landdroshof in die Noord-Kaap verskyn vir die besit van vuurwapens en gevaarlike wapens. Die verdagtes is Vrydag in hegtenis geneem vir die besit van vier vuurwapens en ammunisie. Polisielede het inligting opgevolg en op ‘n huis in Kuruman toegeslaan. Die polisiewoordvoerder, luitenant-kolonel Sergio Kock, sê die polisie het beslag gelê op vuurwapens, ammunisie, pangas en messe. Kock sê polisielede is geloof vir hul harde werk.