Die Premier van die Noord-Kaap, dr Zamani Saul, sal vanoggend om 10:00 die Lede van die Uitvoerende Raad (LUR'e) vir die Sewende Administrasie aankondig. Hierdie aankondiging volg op Premier Saul se demokratiese verkiesing en beëdiging as die sewende Premier van die Noord-Kaap, wat gevolg is deur sy intreerede Dinsdag. Die aankondiging van die LUR'e sal volgende week opgevolg word deur 'n eedseremonie wat deur die Regter-president van die Noord-Kaapse afdeling van die hooggeregshof gelei sal word.