Die polisie in die Noord-Kaap het die publiek versoek om veiligheidsmaatreëls in te stel om rooftogte by hul besighede te voorkom. Dit volg op ‘n groot aantal voorvalle wat by die polisie aangemeld is. ‘n Polisiewoordvoerder, luitenant-kolonel Sergio Kock, sê die polisie verstaan ​​die impak wat misdaad op individue en besighede het. Kock sê die polisie is daartoe verbind om met die publiek saam te werk om te voorkom dat misdade plaasvind.