Die Galeshewe-streekhof in die Noord-Kaap het ‘n 34-jarige man Woensdag lewenslange tronkstraf opgelê vir verkragting. Die beskuldigde is gevonnis vir die verkragting van ‘n 11-jarige meisie in 2022 in Galeshewe. Die slagoffer het in haar slaapkamer wakker geword en gevind dat die beskuldigde haar onbetaamlik aanraak. Die beskuldigde het haar toe na sy bed gesleep en haar verkrag. ‘n Polisiewoordvoerder, kolonel Cherelle Ehlers, sê die verkragter het die kind die volgende dag weer verkrag. Ehlers sê die meisie het die tweede verkragting vir haar ma vertel, wat die saak toe by die polisie gaan aanmeld het.