Die Upington-streekhof in die Noord-Kaap het ‘n 40-jarige pa tot 25 jaar direkte gevangenisstraf vir die verkragting van sy dogter gevonnis. Die pa het sy 15-jarige dogter vroeër vanjaar verkrag nadat hy geëis het dat die dogter se vriend die huis verlaat om hulle alleen by die huis te los. Hy het toe voortgegaan om sy dogter te verkrag en gedreig om haar dood te maak as sy die voorval aanmeld. Die slagoffer het die voorval by haar ma aangemeld, wat tot die pa se arrestasie op dieselfde dag gelei het. Die Nasionale Vervolgingsgesag se Mojalefa Senokoatsane het die vervolgingspan vir hul harde werk geprys.