UMlawuli weNational Student Financial Aid Scheme, uFreeman Nomvalo, uthi le nkqubo ikwazile ukujongana neentlawulo zabaxhamli abafake iinkcukacha zabo zebhanki.Ethetha noonondaba malunga nezinto ezenzekayo ekuphunyezweni kwesi sigunyaziso izolo, uNomvalo ubalule ukuba enye yeendlela zokungenelela ezingxamisekileyo ezenziwe nguMlawuli omtsha kukufudusa abaxhamli beNSFAS beMfundo yobuGcisa noQeqesho bangene kwinkqubo yentlawulo ngqo ngokusebenzisa ibhanki yabo. .Oku kulandela udano olufunyanwa ngabafundi xa befumana izibonelelo zabo. UNomvalo uthe kwiinkcukacha ezifunyenweyo, malunga ne-6% yabafundi abayifumani imali yesibonelelo kuba basilela kwinkqubo yoqinisekiso ngenxa yeenkcukacha ezingachanekanga, lo gama abanye bengazifaki iinkcukacha zabo zebhanki.