I-Arhente yeNkonzo yezeNtlalo yaseMzantsi Afrika ingathanda ukwazisa abaxhamli bezibonelelo ukuba akukho mfuneko yokuba bangxamele ukukhupha imali kusuku lokuqala.  Amalungu oluntu kufuneka athathele ingqalelo le mihla ilandelayo yenyanga ezayo kweyeCanzibe, isibonelelo sabantu abadala siya kuhlawulwa ukusukela kwiveki ezayo, ngoLwesine. Izibonelelo zabakhubazekileyo ziya kuhlawulwa ngosuku olulandelayo ngomhla wesihlanu kweyeCanzibe kwaye zonke ezinye izibonelelo ziya kuhlawulwa ngoMvulo ngomhla wesibhozo kweyeCanzibe.  Ngokutsho kwe-arhente, xa imali ikwi-akhawunti - iya kuhlala ikhona de ifuneke.