Die EPR Waste Association of South Africa (eWASA) het in samewerking met SEDFA en die Namakwa-distriksmunisipaliteit ’n sertifikaatseremonie aangebied vir plaaslike afvalherwinners wat opleiding in afval-entrepreneurskap suksesvol voltooi het. Die program, aangebied deur Contour Enviro Group, het deelnemers toegerus met kennis en vaardighede om hul herwinningsaktiwiteite en besighede beter te posisioneer. Sertifikate en persoonlike beskermende toerusting is oorhandig. Die inisiatief is daarop gemik om afvalherwinners te bemagtig, volhoubare bestaanmiddele te bevorder en hul bydrae tot ’n sterker en meer volhoubare plaaslike afvalbestuursektor te versterk.