Die operasie genaamd "Vhutu Hawe" het op 30 Augustus 2023 omstreeks die middag in Springbok agt dwelmverdagtes in twee afsonderlike klopjagte op huise en dwelms ter waarde van sowat R200 000 in Springbok gekonfiskeer. Polisiewoordvoerder Luitenant Kolonel Sergio het in ‘n amptelike verklaring bevestig dat die eerste klopjag in Bergsig uitgevoer was deur lede van Springbok Openbare Orde Polisiëring se C Peloton en het op vyf volwasse vroulike verdagtes toegeslaan. “Die polisie het vyf ziplock-sakke met Tik gevind wat hulle na 'n ander perseel gelei het waar die polisie beslag gelê het op 510g Tik en 500 Mandrax-tablette ter waarde van sowat R180 000 Die vyf vroue is gearresteer en aangekla vir die handel in dwelms,” het Kock gesê. In 'n afsonderlike voorval het die lede drie volwasse mans by 'n tweede huis in Bergsig in hegtenis geneem en beslag gelê op 50 g Tik en 20 Mandrax-tablette ter waarde van sowat R17 000 en ook beslag gelê op 'n onbekende bedrag kontant. Kock het bygevoeg dat die agt verdagtes, die vyf vroue en die drie mans sal binnekort in die Springbok-landdroshof verskyn vir die handel in dwelms.