Die DA in die Noord-Kaap het gister na vore getree om slagoffers van mensehandel en geslagsgebaseerde geweld (GBV) buite die Kimberley-landdroshof te ondersteun. Die DA se betoging volg op ‘n borgtogverhoor van ‘n man wat vroue na Kimberley gelok het met valse beloftes van werk, hulle gevange gehou het in ‘n stadshotel en hulle geprostitueer het. Die beskuldigde staan tereg op aanklagte van mensehandel, verkragting, aanranding, ontvoering, onwettige immigrasie en die besit van dwelms. Die DA se Fawzia Rhoda sê as ouers vind hulle dit skrikwekkend dat hierdie verskriklike euwel van mensehandel naby hul huise gekom het.