Die DA het Woensdag ‘n oorsigbesoek by die Homevale-afvalwatersuiweringsaanleg in Sol Plaatje in die Noord-Kaap gebring. Die Sol Plaatje-munisipaliteit slaag nie daarin om die suiweringsaanleg volledig te herstel nie. Tydens die toesigbesoek het die party ontdek dat die munisipaliteit nie die suiweringsaanleg se sanitasie in stand hou nie. Die DA se Ockert Fourie sê die algemene gebrek aan instandhouding is kommerwekkend en kan ernstige probleme vir Kimberley veroorsaak.