ActionSA in die Noord-Kaap sê hulle weier om môre Werkersdag te vier terwyl die provinsie met werkloosheid sukkel. Die Noord-Kaap het ‘n jeugwerkloosheidsyfer van 42-komma-vier persent, wat volgens die party bewys dat die provinsiale regering nie ‘n belowende arbeidsmark kan bevorder nie. ActionSA beskuldig die Noord-Kaapse departement wat toegewy is aan Jeug, Vroue, Gestremdheid, Kommunikasie en e-Regering van die gebruik van nepotisme, in plaas daarvan om die jeug te help. Die party sê hulle is daartoe verbind om met mynbou- en energiemaatskappye saam te werk om werk en noodsaaklike vaardighede te verskaf.