Die LUR vir die Departement van Gesondheid in die Noord-Kaap, Maruping Lekwene is tans in Springbok. Lekwene gaan vandag die orïentasie en induksie van die nuut aangestelde gesondheidsbestuurslede in die Namakwa distrik behartig. Die geleentheid vind plaas by die Namakwa Guest Farm buite Springbok. Die nuwe lede sal op hospitaalrade en kliniekkomitees in die Namakwa distrik dien. Die opleidingsessie gaan fokus op die bou van gemeenskapsgesondheidsaktiviste wat kennis het van substantiewe en prosedurele kwessies in die openbare gesondheidsektor.