Met die DA wat nie daarin geslaag het om enige voorsittersposisies in die Noord-Kaapse Provinsiale Wetgewer te verseker nie, het hy verklaar dat hy sy posisie as die amptelike opposisie in die provinsie sal inneem.
Stemme van die VF+ en PA het verseker dat dr Zamani Saul sy setel as premier behou nadat die ANC nie daarin kon slaag om ‘n volstrekte meerderheid in die provinsie te wen nie.
Na gesprekke oor magsdeling met die ANC het PA-lede van die provinsiale wetgewer (LP’s) drie voorsittersposte vir portefeuljekomitees in die wetgewer verseker.
VF+-LPW Theo Joubert is die nuwe voorsitter van die portefeuljekomitee oor samewerkende regering, menslike nedersettings en tradisionele sake (Coghsta).
PA-LPW Sharifa Ferris is verkies as die voorsitter van die portefeuljekomitee oor vervoer, veiligheid en openbare werke en sal ook dien as ‘n lid van die gesondheid- en maatskaplike ontwikkelingsportefeulje.
PA-LPW Rashad Jaffer is aangewys as die voorsitter van die portefeuljekomitee oor landbou, grondhervorming, landelike ontwikkeling, omgewing en bewaring, asook ‘n lid van die portefeuljekomitee oor Coghsta.
PA-LPW David Davids sal dien as die voorsitter van die portefeuljekomitee oor finansies, ekonomiese ontwikkeling en toerisme.
Hy is ook as lid van die portefeulje oor onderwys, sport, kuns en kultuur aangestel.
Mangaliso Matika, ANC-streekvoorsitter, Frances Baard, is as die voorsitter van etiek en gedrag aangewys.
ANC-LPW Tsaone McDonald De Huis staan aan die hoof van die portefeuljekomitee oor onderwys, sport, kuns en kultuur terwyl, ANC-LPW Limakatso Koloi is die voorsitter van die portefeulje oor gesondheid en maatskaplike ontwikkeling.
ANC-LPW Mirriam Kibi is aangewys as die voorsitter van die portefeuljekomitee oor geslag, vroue, kinders en persone met gestremdhede en as voorsitter op die staande komitee van voorsitters.
Norman Shushu, ANC-LPW, is die voorsitter van die premier en wetgewer.
ANC-LPW Lebogang Motlhaping is die nuwe voorsitter van grondwetlike aangeleenthede, petisies en openbare deelname asook die voorsitter van openbare rekeninge.
Die EFF sal as lede van die verskillende portefeuljekomitees dien.
Dr Wynand Boshoff, VF+ se provinsiale leier, het gesê die komitee oor Coghsta hou munisipaliteite aanspreeklik.
“Dikwels val klagtes oor die onbevoegdheid van munisipaliteite op dowe ore. Die portefeuljekomitee oor Coghsta kan die burgemeester ontbied om die situasie te verduidelik en kan hulle verplig om die oppergesag van die reg te gehoorsaam en enige oortreding reg te stel. Noudat die VF+ in beheer van hierdie komitee is, sal ons ’n groot verskil maak in effektiewe bestuur en om te verseker dat pligte uitgevoer word.”
Harold McGluwa, DA se provinsiale leier, het verklaar dat hulle as die amptelike opposisie in die Noord-Kaapse Provinsiale Wetgewer “die grond sal slaan”.
“Die ANC het gekies om vir ANC, VF+- en PA-geleide voorsittersposisies te gaan toe hulle minder as 50 persent by die stembus gewen het, in plaas daarvan om ‘n regering van provinsiale eenheid aan te gaan.
“Eerder as om ’n gees van eenheid, proporsionaliteit en beginsels aan te neem, het die ANC die behoud van mag geprioritiseer. ’n Groot koalisie is met die VF+ gevorm om die ANC oor die wenstreep te kry. Dit word onderstreep deur ooreenkomste wat gemaak is ten opsigte van die bevordering van die onafhanklikheid van Orania en vir komiteeposisies met die VF+ en die PA, in ruil vir hul stemme om dr Zamani Saul se posisie as premier te verseker.”
McGluwa het daarop gewys dat die DA steeds die naasgrootste aandeel stemme in die provinsie het.
“Eerder as om ’n gees van eenheid, proporsionaliteit en beginsels aan te neem, het die ANC die behoud van mag geprioritiseer. ’n Groot koalisie is met die VF+ gevorm om die ANC oor die wenstreep te kry. Dit word onderstreep deur ooreenkomste wat gemaak is ten opsigte van die bevordering van die onafhanklikheid van Orania en vir komiteeposisies met die VF+ en die PA, in ruil vir hul stemme om dr Zamani Saul se posisie as premier te verseker.”
McGluwa het daarop gewys dat die DA steeds die naasgrootste aandeel stemme in die provinsie het.
Bron: DFA
