Kangnas Windplaas nooi klein-, mikro- en mediumondernemings (KMMO’s) en nie-regeringsorganisasies (NRO’s) uit om deel te neem aan ‘n Kapasiteitsboudag wat op 22 Julie 2026 by die Stensentrum in Springbok aangebied word.
Die inisiatief is daarop gemik om plaaslike ondernemings en organisasies te bemagtig deur hul vaardighede te ontwikkel, groei te bevorder en nuwe geleenthede te skep.
Deelnemers sal toegang kry tot praktiese ondersteuning deur werkswinkels oor sakeplanontwikkeling, finansiële bestuur, marktoegang, mentorskap, netwerkgeleenthede en hulpbronondersteuning.
Slegs 25 plekke is beskikbaar vir KMMO’s en 25 vir NRO’s, wat die geleentheid besonder waardevol maak vir organisasies wat hul kapasiteit wil uitbrei en volhoubare ontwikkeling wil bevorder.
Belangstellendes kan registreer deur ‘n e-pos na kangnaswind@gmail.com te stuur of Carol-Ann Engelbrecht by 083 525 1492 te kontak.
Volgens Kangnas Windplaas vorm die kapasiteitsboudag deel van die organisasie se voortgesette verbintenis om plaaslike entrepreneurskap te ondersteun en sterker, meer volhoubare gemeenskappe in Namakwaland te help bou.
