Op Dinsdag, 15 Oktober 2024, het die Namakwa Distriksmunisipaliteit se raadsale in Calvinia twee belangrike vergaderings gehou.
Die eerste vergadering was die Distriksvigsraad, wat bygewoon is deur die Uitvoerende Burgemeester, mnr. Mervin Cloete, die Munisipale Bestuurder, mnr. Sydney Adams, plaaslike burgemeesters, munisipale bestuurders, verskeie sektordepartemente en lede van die burgerlike samelewing.
Die fokus van hierdie vergadering was om ‘n MIV-vrye land te bou en belanghebbendes te mobiliseer om die oplewing van nuwe infeksies in gemeenskappe te voorkom.
Na die Distriksvigsraad het die Politieke Interregeringsverhoudinge vergadering plaasgevind, ook onder leiding van mnr. Cloete en mnr. Adams.
Die doel van hierdie vergadering was om regeringsprogramme te integreer en te koördineer, met die spesifieke fokus om kwaliteit dienste aan die mense van Namakwa te lewer.
Belangrike besluite wat tydens hierdie vergadering geneem is, sluit in:
- Die skoolsaal in Brandvlei sal na die oorlede Hesti-Ann Green vernoem word, ter ere van haar bydrae.
- Die Politieke Interregeringsverhoudinge sal voortaan bekend staan as die Namakwa Distrik Intergouvernementele Betrekkinge Raamwerk Forum (NDIRFF).
Hierdie inisiatiewe sal bydra tot die bevordering van samewerking tussen verskeie regeringsliggame en die verbetering van dienslewering aan die gemeenskap.
